UN PUEBLU

Ye un pueblu enteru
debaxu del viento,
lloviendo de nuechi
orpín y silenciu.
Llevando na frenti
un escuru suañu
pelayos, santines
solombres ingrientes.
Un escuru suañu
a llombu del vientu
un escuru suañu
dexándolu ermu.

Si asina nun ye
o asina nun fuere,
ye un pueblu enteru
añando una muerte.

El verde y la gaita
nin valen nin sienten,
si dientru del pueblu
nun fierve la xente.
Falando futuru
al son les pallabres,
que él mesmu pariere.
Pero´l pueblu vive
si dientru tien xente
cincando-y les uñes
nel puelgu al silenciu.
Dexando que´l suañu
fuxa tres el viento,
dexando lo dicho
diciendo lo nuestro.

Si asina nun ye
o asina nun fuere,
ye un pueblu enteru
añando una muerte.

* Andrés Solar