NUN SE PUÉ

Quien quiera entender que entienda
yo nun llavo les conciencies
na mas doi la mio opinión.
Ye qu'hay xente que manexa,
enrodiella y envelena,
ensín importa-y so posición.

Qu'hay vegaes nesta vida
en que preséntense momentos
pa tomar una decisión.
Nun se puen dicir les coses
y facer to lo contrario
según tercie la ocasión.

Y nun se pué tar
en misa y replicando a la vegá...
Nun se pué tar.
Nun se pué tar,
cociendo en toles potes a la vegá...
Nun se pué tar.
Nun se pué quedar,
a bien con tol mundiu por quedar...
Nun se pué quedar.

Mentes abiertes,
la vista al frente,
la tiesta alta ensín parar.
Siempre alerta pa lo que venga
nun te dexes engañar.
Tú sigue asina cola to xente,
nun te vaigan a medrar
la to mente nun se vende,
val más de lo que puedan pagar.

Del cacillán d'ayuntamientu
al presidente del gobiernu,
sin dexar al gran castrón.
Dende'l lliberaú del sindicatu
al funcionariu más pazguatu,
sin escaecese del patrón.
Por desgracia esta xente
apaez onde y pete
ensín pelligru d'estinción.
Xuntemos les nueses mentes
cavilguemos toos xuntos
una bona solución.