LA TO SIENDA

Lleves tiempu yá
naguando escapar
del mesmu llugar de siempre,
caleyando ente la xente.

Fartu de siguir
el mesmu camín
y ver coses al to llau
que te dexen derrotáu.

Sigues la sienda
que los tos güeyos marcaron,
camudando les pisaes
hasta perder el control.

Busques el llugar
más allendi'l mar,
onde surde la llocura
que te fai sentir la lluna.

La to mente clara
y bien enfotada,
tas dispuestu a sofitar
lo que diga'l to coral.

Sigues y sigues
ablucando la mirada,
glayando a boca zarrada,
dexando la to prisión