CALEYANDO

Anuechi nun sé ni ónde anduve,
creyo que kaleyando pol sol.
Sentime el dueñu de les ñubes
pasando ensín querer
del fríu al calor.

Blincando de ñube a ñube,
fundiéndome nel so blancu golor,
caltriándome de la so muga
fasta sentir moyau
el corazón.

Nun sé qué fice ensín tiesta,
bebí y fumé fasta perder la razón
queriendo siguir la to sienda,
ciegu y perdíu como un cabrón.

Camentando nel vientu,
sintiendo lo duru del amor,
tarreciendo fasta´l tiempu
que robome too
ensín compasión.

Notando l´orbayu na cara
ensín tener otra sensación,
alcontré de nuevu´l caminu
pa recuperar
la ilusión.

Nun sé qué fice ensín tiesta,
bebí y fumé fasta perder la razón.
Queriendo siguir la to sienda
ciegu y perdíu como un cabrón.