BILLETE ENSÍN VUELTA

Vendieron riqueza, vendieron trabayu,
vendieron imaxe de prosperidá.
Recursos p'Asturies, la mina, les perres,
pero de too aquello yá nun queda na.

Ficisteis rindise al trabayador.
Prexubilaciones, ¡qué boques zarraron!
Y agora los fíos tienen qu'emigrar
a buscar trabayu lloñe del so llar.

Pero non, nun se pue permitir
que mos sigan pisando, nun se pue permitir.
Pero non, nun se pue permitir
que mos sigan pisando, a la cai hai que salir.

Qué vueltes da la vida, nun ties onde currar.
Un billete d'ida que te lleva a otru llugar.

Que tornen los fíos qu'un día colaron,
que tornen los díes de prosperidá,
que tar cerca de casa nun seya utopía,
saber qu'algún día tou camudará.